اول تدوينة في موقع Fatima Moonlight

بواسطة فاطمة الزهراء
19 مشاهدة

تعتبر دي اول تدوينة في موقع Fatima Moonlight الموقع اللي بالنسبالي كان مجرد فكرة لتوثيق خبرات ومعلومات اتعلمتها ولسة بتعلمها خلال حياتي كلها ولقيت إننا كبنات أو المرأة تحديدا في المجتمع المصري محتاجين شوية توعية بأهمية المطالبة بحقوقها البسيطة في التعبير عن نفسها وإن يكون في حد جمبها داعم ليها كأب وام او اخ او زوج عندهم التوعية والتفكير الإيجابي لاحتواء المرأة في أبسط احتياجاتها النفسية والجنسية والمعنوية والاجتماعيّة وعلى مر ثلاث سنوات نضجت أكتر واتعلمت أكتر وبحاول ومازلت بطور من نفسي أكتر مرورا بالزواج ومرحلة الحمل والولادة وحاليا تعلم التربية الإيجابية لتنشئة طفل سوي نفسيا واجتماعيا ومن هنا تأصلت جوايا فكرة الموقع أكتر واكتر.


خليكي متمسكة بحلمك:

هتمري في حياتك بناس سلبية كتير وايجابية برضو الفرق هنا بينهم تأثير ده عليكي إيه وهتسمحي لحد يقتحم حياتك النفسية والاجتماعيّة ولا لأ عشان كدة لازم تتعلمي الحفاظ على صحتك النفسية والجسدية…الخ وتبني جدار عازل عشان تعرفي تطوري من نفسك وخليكي دايما بتسعي ورا حلمك مهما كان فيه ظروف حواليكي اوجدي السعادة في أقل الأشياء اللي معاكي هتحسي بالرضا ومارسي التأمل والامتان يوميا هيفرق معاكي.


راقبي افكارك:

اكتشفت ممكن يكون متاخر بس اكتشاف يستحق اقف عنده ان كل فعل سلبي اساسه فكرة داخلية جوانا واحنا لو ركزنا في افكارنا ممكن نحول اي فكرة واحساس جوانا لفعل بس ايجابي وهنقدر نتحكم اكتر في مشاعرنا وتصرفاتنا وهنقدر نسيطر عليها عشان كدة راقبي افكارك دايما.


خليكي فاعل وليس مفعول به:

خليكي فاعل وليس مفعول به

خليكي فاعل وليس مفعول به

إحساس حلو كتير بجد لما تكوني إنتي الفاعل بدل ماتدخل جوجل تدور على المعلومة عند غيرك الإحساس الأفضل إنك إنتي اللي جايبة المعلومة ومنشورة كمان بأسمك على جوجل وتكوني إنتي المؤثرة في المجتمع ونشر ثقافتك ورسالتك.


خلق مجتمع واعي متماسك:

بسعى حاليا لخلق مساحة من قنوات التواصل والدعم فيما بيننا كامهات وسيدات وبنات لنتقابل سويا بصفة دورية فيارب نتقابل قريبا.

1 تعليق

Ahmed Hemaya 1 يناير، 2022 - 3:13 م

بداية موفقة باذن الله، اتمني لحضرتك كل التوفيق والنجاح في موقعك المتميز هذا 🌸💐🌺

رد

شارك بكتابة تعليق